السلام عليكم
انا اسفة على غيابي بس مش عارفة انا دايما بحب اكتب الموضوع لما يكون مسيطر عليا أوى واكون مقتنعة بيه اوى وحاسة بي اوى
انا هكلمكوا النهاردة عن موضوع الحقوق و الواجبات
انا بحس أننا شعب عندنا مشكلة اننا منعرفش ايه حقوقنا وايه واجبتنا؟
وحتى لو عارفينها بنتكسف نطالب بحقوقنا!!!!
يمكن عشان أحنا مش متعودين على كدة من واحنا صغيرين وأغلبنا كان دايما بنخاف واحنا في المدرسة من المدرسين ومنعرفش ندافع عن نفسنا اوى واننا دايما متربين على ان الكبير دايما كلامه صح!!!!!
أنا عايزة اقول مثال على المواصلات العامة وخصوصا الميكروباص!!!!
مثلا لو في حد في الميكروباص بيشرب سجاير محدش يقدر يقوله ان التدخين ممنوع في المواصلات العامة
ممكن نكون مبنقولش عشان مش عايزين نوجع دماغنا وعايزين نروح في سلام أو ممكن نكون خايفين!!!!
لكن
• قانون رقم 52 لسنة 1981م و الذي يقضي بمنع التدخين و حظره داخل الأماكن العامة و وسائل المواصلات.
انا اسفة على غيابي بس مش عارفة انا دايما بحب اكتب الموضوع لما يكون مسيطر عليا أوى واكون مقتنعة بيه اوى وحاسة بي اوى
انا هكلمكوا النهاردة عن موضوع الحقوق و الواجبات
انا بحس أننا شعب عندنا مشكلة اننا منعرفش ايه حقوقنا وايه واجبتنا؟
وحتى لو عارفينها بنتكسف نطالب بحقوقنا!!!!
يمكن عشان أحنا مش متعودين على كدة من واحنا صغيرين وأغلبنا كان دايما بنخاف واحنا في المدرسة من المدرسين ومنعرفش ندافع عن نفسنا اوى واننا دايما متربين على ان الكبير دايما كلامه صح!!!!!
أنا عايزة اقول مثال على المواصلات العامة وخصوصا الميكروباص!!!!
مثلا لو في حد في الميكروباص بيشرب سجاير محدش يقدر يقوله ان التدخين ممنوع في المواصلات العامة
ممكن نكون مبنقولش عشان مش عايزين نوجع دماغنا وعايزين نروح في سلام أو ممكن نكون خايفين!!!!
لكن
• قانون رقم 52 لسنة 1981م و الذي يقضي بمنع التدخين و حظره داخل الأماكن العامة و وسائل المواصلات.
• قانون رقم 4 لسنة 1994م و الذي يقضي بمنع التدخين في الأماكن العامة و تغريم المدخنين من 10-50 جنيه مصري داخل وسائل المواصلات العامة.
• قانون رقم 137 لسنة 1981م و الذي يقضي بمعاقبة المدخنين أثناء العمل.
يعني ده حقنا فلازم نطالب به
فلو الشعب كلع عارف انه حقه انه يتنفس جو نظيف في المكيروباص ان مش ذنبه انه يدخن تدخين سلبي
الراكب اللى بيدخن مش هيقدر يدخن عشان هيبقى عارف ان محدش هيتنازل عن حقه وان الناس كلها هترفض!!!!
بس ميين بيطبق القانون وميين عارف حقوقه؟؟؟؟
في الكلية صدر قانون جديد بيجرم التدخين في أروق الكلية وهناك غرامة 20 جنيه بس ميين هيطبق
فأحنا لازم نتكاتف كلنا وأن لا نقبل و نحافظ على صحتنا ومنسبش حد يدمر صحتنا لأن صحتنا نعمة و أمانة بين أيدينا !!!!
في الميكروباص دايما السواق يحدف الراكب في وسط الشارع وهو بينزله و محدش يقدر يعترض عشان لو أعترض ممكن مينزلش خالص!!!
لازم نقول ومنخافش
أنا مش هنزل غير على جمب لازم منسبش حقنا!!!
و الامانة تقتضى أننا احيانا بنوقف المكيروباص وبيقف لنا في وسط الشارع وبنركبه
أعتقد أننا لازم منقبلش اننا نركبه غير لو وقف على جمب
عشان كدة احنا بنشجعه انه يقف في وسط الشارع ويزحم الطرق!!!
اه احنا ممكن كدة منركبش لكن لازم نحاول نطبق الصح
عشان السواق لما يلاقي كل الناس مبتركبش غير لما بيقف على جمب هيضطر يركن على جمب
الموضوع محتاج تعود ومحتاج تضحية وصبر على الأذى اللى ممكن الواحد يتعرض له لما يطالب بحقه
أنا الكلام ده أنا بوجه لنفسي قبلكو لأنى محتاجاه أوى
و كلامي لا يعني أننا نطالب بحقنا بأسلوب عنيف أو بأننا نعلى صوتنا
لا أحنا هنطالب بحقنا بكل أدب وذوق
يعني ده حقنا فلازم نطالب به
فلو الشعب كلع عارف انه حقه انه يتنفس جو نظيف في المكيروباص ان مش ذنبه انه يدخن تدخين سلبي
الراكب اللى بيدخن مش هيقدر يدخن عشان هيبقى عارف ان محدش هيتنازل عن حقه وان الناس كلها هترفض!!!!
بس ميين بيطبق القانون وميين عارف حقوقه؟؟؟؟
في الكلية صدر قانون جديد بيجرم التدخين في أروق الكلية وهناك غرامة 20 جنيه بس ميين هيطبق
فأحنا لازم نتكاتف كلنا وأن لا نقبل و نحافظ على صحتنا ومنسبش حد يدمر صحتنا لأن صحتنا نعمة و أمانة بين أيدينا !!!!
في الميكروباص دايما السواق يحدف الراكب في وسط الشارع وهو بينزله و محدش يقدر يعترض عشان لو أعترض ممكن مينزلش خالص!!!
لازم نقول ومنخافش
أنا مش هنزل غير على جمب لازم منسبش حقنا!!!
و الامانة تقتضى أننا احيانا بنوقف المكيروباص وبيقف لنا في وسط الشارع وبنركبه
أعتقد أننا لازم منقبلش اننا نركبه غير لو وقف على جمب
عشان كدة احنا بنشجعه انه يقف في وسط الشارع ويزحم الطرق!!!
اه احنا ممكن كدة منركبش لكن لازم نحاول نطبق الصح
عشان السواق لما يلاقي كل الناس مبتركبش غير لما بيقف على جمب هيضطر يركن على جمب
الموضوع محتاج تعود ومحتاج تضحية وصبر على الأذى اللى ممكن الواحد يتعرض له لما يطالب بحقه
أنا الكلام ده أنا بوجه لنفسي قبلكو لأنى محتاجاه أوى
و كلامي لا يعني أننا نطالب بحقنا بأسلوب عنيف أو بأننا نعلى صوتنا
لا أحنا هنطالب بحقنا بكل أدب وذوق
و أحنا لما نطلب من المدخن أنه لا يدخن في الأوتوبيس مثلا ده أحنا كدة بنفيده مش بنضره
أنا عايزة أتفق معاكو أننا كلنا لما نلاقي طالب بيشرب سجائر في الكلية نقوله أن السجاير أتمنعت في الكلية وفي غرامة فلو سمحت أطفى السجائر و أننا فعلا نعمل كدة عشان نكون بدأنا بنفسنا وبأقرب مكان لينا
7 comments:
قضايا كتيييييييير
ما شاء الله
بس انا الحمد لله بقدر اقف ضد البنى آدمين دة خاصة لو ماما معايا لان انا وهى عندنا حساسية صدرية والحمد لله اى دخان بيبقى هيموتنا
فعلى طول بنتصرف لاننا لو اعدنا اكتر من دقايق ممكن يجيلنا اختناق
يلا ربنا يستر
اما بالنسبة لحكاية الميكروباص دة صراحة مش بتفرق اذا كنت انزل اول الشارع او اخرة او على جنب لانة صراحة موضوع لا يحتاج لانى اخلق مشكلة عشانة
يلا سلام عليكم
السلام عليكم
نادرى حبيبى والله
طبعا انا وانتى المفروض ننفذالكلام ده مع بعض
بما اننا زملاء فى الميكروباص
هههههههه
بسم الله الفتاح الكريم
بعد الصلاة والسلام على النبي الكريم
السلام عليكم ورحمة الله وبركاته
مبدئيا............منة النادري
أعتذر لكي عن كون هذه اول مرة أشارك فيها بالرد على مدونتك الرائعة
ثانيا:موضوع رائع ما شاء الله لا قوة الإ بالله
فيما يخص المطالبة بالحقوق يا منوش فهي كتير جدا
خدي عندك
أولا:قررت الحكومة المصرية-جزاها الله خيرا-أن تكون عربيتان السيدات في المترو حتى الساعة التاسعة مساءا
لا يحق لأي رجل ان يركبها معهن
شغال
وإذ فجأة تلاقي واحد طالع العربية ولا كأن فيه حاجة
ولما تتكلمي وتقولي يبجح
لا إله الإ الله
بس أنتي عارفة أنا مش هأسكت تاني إن شاء الله
ثانيا:من يومين كنت في الكلية قاعدة على السلم العظيم زي ما أنتي عارفة
ولقيت ورايا شخص عجيب مريب ماسك في أيديه سيجارة تخرج منها روائح مقززة ويتساقط التبن اللي فيها ولا الأرف اللي في تكوينها معرفش ايه علينا
فقمت بكل ذوق
قلت له بعد إذنك أبعد السيجارة ديه
قالي أنتي بتتعبي منها:قلت ايوة لو سمحت معلش
قال لي حاضر
وقام رجع كام خطوة لورا كده
وخلاص
تفتكري كان المفروض أتخلي عن قواعد الذوق في هذه الحالة مع الشخص ده
واقوله اطفي السيجارة
ولو كنت قلت تفتكري كان هيطفي السيجارة
مفتكرش
لأننا فعلا عندنا ازمة في معرفة حقوقنا وواجبتنا
منة
ربنا يكرمك
فخورة بك ............استمري
ولا تنقطعي في يوم من الأيام
إن شاء الله
والسلام عليكم ورحمة الله وبركاته
واللة يا منة الموضوع مش سيجارة او ميكروباص الموضوع اتجاة عام يا منة الجميع بينفذة من غير ما يحس الموضوع اكبر من كدة وبعدين انتى بتكلمى فى مين
هسالك سؤال انتى ممكن تقولى لحد شكلة بلطجى فى مواصلة بطل تشرب سيجارة ؟
او لسواق الميكروباص بلاش تقف هنا اققف هناك ؟
دى احلام وردى يا منة
احنا مش هنتغير بسهولة لان الموضوع سياسة عامة و اتجاة عام املنا اننا نقدر نربى الجيل الجديد صح هوة اللى هيشيل المسؤلية بس احنا اللى هنربية و فاقد الشيء لا يعطية يا منة منة ان فى نظرى المشكلة اكبر من كدة بكتير اعتقد انها مجموعة القيم اللى عندنا و مخزونا الفكرى و الثقافى و الحاجات دى مستحيل تغيريها غير بعد اجيال كتيرة و مش فى ظل الظروف المحيطة دى كمان
يعنى مثلا دلؤتى فى ظل السماوات المفتوحة لدولة متخلفة زينا و عولمة دينية و ثقافية و ما الى ذلك هنقدر نطلع جيل يحترم القواعد ؟
مش تزعلى من ردى
اوك
السلام عليكم ورحمة الله وبركاته
منون
ازيك
مبرووووووووووووووووك يا منون الدخول في عالم التدوين
وفعلا اموضوع اللي بتطرحيه مهم جدا
وفعلا لازم كل واحد فينا يعرف حقوقه ووجباته
وكمان افتكرت دلوقتي
لما احنا كنا راكبين الميكروباص مع بعض
والسائق أصر انه ينزلنا في وسط الشارع
لكننا رفضنا ولم ننزل الا على جنب
وهو كان مفقووووووووووووع مننا
وأسلوبه كان غير حضاري بالمرة
السلام عليكم
جزاكي الله خيرا موضوع مهم جدا
موضوع التدخبن في الاماكن العامة موضوع معقد جدا
اولا : بعض الناس في المواصلات تيجي تقوله لو سمحت اطفي السيجارة يرد عليك بكل بجاحة لو مش عاجبك إنزل
تتطر تقول للسواق تلاقي للسواق هوا كمان السيجارة في إيده
تقول أنا مش طايق يقولك إفتح الشباك
تقوله معانا أطفال يقولك هيا سيجارة واحدة بس
أنا بجد عملت خناقات كثيرة في المواصلات
بسبب السجائر دي
ثانيا :
لو كل الناس انضبطت وعرف كل واحد حقوقه وواجباته وما له وما عليه
لانصلح الحال تدريجيا
مرة كنت راجع من بلطيم انا واصدقائي وركبنا بيجو وكنا خمسة واحد الاشخاص دخن من غير الخمسة وقلتله لو سمحت السيجارة
قالى مش ها طفيها
قلت للسواق سكت
وكنا لسة ما دفعناش الاجرة
رحت قايل للسواق اقف
ونزلت انا واصدقائي الاربعة وقلنا مش هانركب الا لو طفي السيجارة وما يولعهاش تاني \
طبعا السواق لقي الاجرة ها تروح منه راح نازل شتيمة في الاخ الثاني
واجبره على رميها
وانا كنت فرحان جدا
وفي نهاية الطريق ذهبت الى الاخ ده واعتذرتله بنصيحة
وتعرفت عليه فوجدته
من نفس المركز الذي اسكن فيه
فيومي يعني
السلام عليكم
والله موضوع جيد بس لو كان على سبيل التكليف الفردى زى ما قلتى يا منة يعنى كل واحد يعرف حقوقة وواجباتة
بس المهم انا بجد عجبنى جدااا تعليق هالة بس مختلف معها فى نقطة خطيرة
اولا متفق معاها جداا فى ان الموضوع مش بسيط خالص وانة اتجاة عام وان الحاجات دى عبارة عن مخزون فكرى لمجموع القيم والثقافات عند كل واحد
لكن مش معنى كدة انى اتنازل عن ايجابيتى او حتى الامر بالمعروف والنهى عن المنكر بفطنة وذكاء وزوق شديد وحسب الموقف والظروف والحال لان لو كل واحد قال الموضوع صعب خلينا فى الجيل اللى جاى وسبونا من اللى فات يبقى بنخسر كتير ولو حاولتى مع عشر افراد يا هالة وكسبتى ان واحد منهم غير سلوكة يبقى ممتاز
المهم نرجع تانى لقضية التربية اللى هعلق عليها فى كل موضوع وعلقت عليها فى موضوع المعلم
الكلام اللى بتقولية يا منة الحقوق والواجبات هو بند من بنود التربية والكلام اللى قالتة هالة عن مجموع القيم والمخزون الفكرى والثقافى والكلام الكبير دة هو من صميم التربية او بنسميها التربية التراكمية
والتربية التراكمية دى يا جماعة موضوع محتاج تفصيلات كتير بس هى محصلة نصيحة حد قالهالك + توجية من الاسرة او الوالد والبيت + حاجة من المدرسة + معنى من خطبة الجمعة + مش عارف اية من التفزيون وهكذا كل الحاجات الكتيرة اوى دى بتعمل اللى هالة قالت علية مجموعة قيم ومخزون فكرى وثقافى
بس خلى بالك يا هالة لو قلتى لواحد نصيحة صغيرة خالص انى بتغيرية بشكل تراكمى او التربية التراكمية
يارب مكنش قلت كلام كلة فلسفة لان عارف نفسى الله المستعان
ربنا يوفقك
Post a Comment