بلدي
اه كلمة بنسمعها كتير اوى اوى في حياتنا
معناها ايه؟
بلدي هو بلدي هو اللى انا معايا جنسيته لكن مش شرط اكون بحبه اوى
انا في حاجة بدور في دماغي وبفكر فيها كتير؟
هو ليه الناس دايما بتقول اننا لازم منسبش مصر ومينفعش نسافر و نسيبها عشان هي بلدنا ولازم نحبها
مش معنى كدة انى مبحبش مصر
لا أنا بحبها.... بس مش كل حاجة فيها بحبها ....بحب شوارعها بليل....أحيانا يعني مش على طوول لما أركب ميكروباص وانا قاعدة فيه بحس ان الناس اللى حواليا دي بس معاهم بالألفة يعني مش ببقى خايفة منهم وساعات كتيير ببوصلوهم بنظرة انهم ناس شرسة
.وببقى خايفة وبحس بالغربة بينهم
وبلاقي نفسي برد على اي حد يقول اننا مينفعش مسافر ونسيب بلدنا وان لو احنا مطورناش مصر مين هيطورها؟
بأية في القران:
قال الله تعالى (و اذ قال ربك للملائكة انى جاعل في الأرض خليفة ) سورة البقرة الاية30
ربنا أمرنا بتعمير الأرض لكن مش شرط بلدنا
ربنا هيحاسبنا عن اننا عمرنا الأرض ولا لأ؟
يعني الاهم انك تعمر ولكن ليس مهم في بلدك
المهم اننا نعمر في المكان اللى احنا قادرين أن نعمر فيه
المكان الذي تتوافر فيه الظروف من أجل التعمير
انا موافقة على اننا لازم طوول ما احنا عايشين في مصر اننا لازم نطورها ونشتغل فيها كويس عشان تبقى بلد كويس
لكن هذا لا يمنع اننا يكون عندنا طموح اننا مسافر ونعيش في مكان أحلى من مصر
و
خصوصا اننا ممكن نكون في المكان ده هنقدر نعمر الأرض اكتر
وفي تعريف انا سمعته لكلمة الوطن عجبني اوى
هو
ان الوطن
هو المكان اللى انت هتقدر تعمر فيه وهتقدر تدي فيه وتعمل حاجة كويسة يعني هو المكان اللى هيوفر لك الظروف عشان تعيش حياة كريمة يعني تتنفس هواء نظيف.... تركب مواصلات ادمية ....تلاقي رصيف تمشي عليه...
كلها حاجات بسيطة اوى بس مش موجود عندنا
فعلا الوطن
هو كدة
هو المكان اللى انت بتحبه اوى
حتى احنا عندنا مشكلة وهي
كلمة بلدى؟؟
كلمة بلدي احنا بنستخدمها استخدام غريب اوى
أي حاجة مش عجبانا نقول عليها
نقول
دي بلدي!
طب ازاى؟؟
احنا عندنا مشكلة وده ناتج عشان ان نظرتنا لبلدنا مش كويسة
ننظر اليها دايما انها الاقل
ودي حقيقة هي مصر فعلا فيها مشاكل كتيير
استخدام كلمة بلدي هنا غلط جدا
احنا محتاجين نعيد النظر في وصفنا للحاجات الوحشة انها بلدي
انا لا أقصد أن مصر كلها وحشة
مصر فيها حاجات حلوة كتير
مصر فيها
ساقية الصاوي.....شباب كويس اوى عايز يعمل حاجة....شوارع رئيسية نظيفة بس اللى بيعدي فيها الوزراء والمحافظين
مصر فيها الأزهر بارك ...مصر فيها بورسعيد ...مصر فيها مرسي مطروح....
ولكن هذا لا يمنع أننا نسافر ونروح في مكان تاني على الأرض بشرط أن يكون لنا دور في هذا المكان ومؤثرين.
بس مصر عندها مشكلة انها مفيهاش حشيش كتيير يعني مساحات خضراء
.نفسي أشوف الحشيش في كل حتة
21 comments:
منة ...
لو كل واحد فينا ساب مصر و راح مكان
أنضف يعيش فيه ...مصر عمرها ما هتنضف
انا مش ضد فكرة السفر ..بس ده يكون
بشكل مؤقت ..يادوب الواحد يغير جو ..
او حتى يشتغل برة لفترة و يكون نفسه
لكن يرجع بلده طبعا ..اللى هو اتولد فيها
يعمّرها و يصلح الحاجات السيئة اللى فيها..لأنه لو معملشى كدة ..محدش غيره هيعمل
انا مع تعمير الارض والارض أشمل من البلد
لكن وانا قاعدة دلوقتى في مصر
يبقى هي دي أرضي
ولو روحت حتة تانية يبقى بردوه هي دي أرضي
بس كدة
وعلى فكرة لو كل الناس سابت مصر انا هرجعلها بسرعة حتى عاشن تكون فاضية وانظفها براحتى كل يوم هنظف حتة
سبوها انتو بس وانا معنديش مشكلة هقعد فيها لوحدى
ههههههههه
:D
منوووووووووووووووون
الحمد لله علي العودة للتدوين
بصي يا منة
بالنسبة للحورات اللي أنا باعتبرها فاكسانة يعني اللي بتقولك مصر هي امي
ومشربتش من نيلها والكلام ده
مصر علي عيني وراسي كمان
بس مصر هي مكان وجزء من الأمة يعني اللي وضع الحدود وخلانا نقول مصر وفلسطين ونحس أننا مش كيان واحد
مع ان الواحد لما يقرأ القراءن الكريم
مش بلاقي ربنا يقول يا أيها المصري
ولا يا أيها العراقي
ولكنه سبحانه وتعالي بيقول يا أيها الناس
يا أيها الذين ءامنوا
وكده
يعني من الآخر بحس ان كل أرض ربنا دي بتاعتي
وزي ما انتي قولتي احنا مستخلفين فيها
وفي رسالة مهمة جدا مكلفين بيها
أل وهي نشر الإسلام الدين الذي يتسم بالعالمية وليس مقتصر فقط علي العالم العربي
ومصر بالنسبة لي ارتباطي بها ارتباط بالأشخاص اللي فيها
وادعيلي اني قريبا سوف اغادرها ان شاء الله ربنا يسهل كده
نسيت أقول انك فاكرتيني بالموضوع اللي
احمد شلبي كان كاتبه قبل كده
واسم الموضوع
يعنـــي إيــــه كلمة وطـــن؟
صح
يا هبة انتى ضيفتي حاجة فعلا
والله صح
كل الكلام اللى بتقوليه ده صح
وفعلا ربنا سبحانه وتعالي قال في القران
يا أيها الناس
ده حقيقى
شكرا يا هوبة
Yes! ya menna its not a matter of doing the right thing right here in Egypt but what really matters is to make the right thing where ever you are!!
Because in the first place the classifications of the lands like having Egypt, Lebanon, Syria and Palestine each independently are a colonial distribution for the Islamic world.
I DO believe like you that we don’t have to live in Egypt in particular but I disagree with u that we have to live where we feel SOOO comfortable and peace- this could be in paradise not on Earth :D- no! I think we should b where we can fulfill our goals and everyone makes his own role in life to complete the Puzzle :)
Anyways Good way of thinking ya menna and intersting topic.. Keep it up!
akiid kol wa7ed lih el 7a2 eno y3ish fel mkan elly howa 3ayzo w elly hay2dar y72a2 fih elly howa bytmnah bas bardo fel 2a5er bsarf el nzar enna bn7eb masr wla la2 bas e7na fel 2a5er bnentemy liha w makottb fel passport elly e7na hansafer bih anywhere enna masryeen w ay 7aga tmes el bald de tmsena w ay 7aga t3ibha t3ibna bardo , momken aya 7ad ysafer y3ish f mkan 7lw gdan w ynga7 w y72a2 kol elly 3ayzo bas bardo fel 2a5er howa masry w ana msh ded eno y72a2 zato f ay mkan l2n da 7a2 kol ensan w eno lma haykoon nage7 f ay blad f da bykoon msal kwayes l blado fel blad el tanya bas bardo ana low 3ozt asla7 el balad de hasl7ha l2naha 7aga t5osny msh 3shan ana ba7ebaha
ya gma3a 3la fekra msh de el moshkela 5ales aywa tb3an kol ard rbna bta3tna w en kol ensan mn 7a2o eno y3ish fel el mkan elly howa 3ayzo w elly by7ebo w eno y72a2 fih kol tmo7ato laken bardo maynfa3sh nensa 7aga mohema awy en bsarf el nzar bn7eb el bald de wla la2 bas e7na fel 2a5er b nantamy liha w ay 7aga t5osaha t5osena w ay 7ga t3ibha b t3ibna e7na bardo mahma kona fin y3ny e7na momken nsafer ay mkan w nkon bn7ebo awy w nag7in fih awy w 2derna n72a2 elly makonash 3arfin n3melo f bladna bas fel 2a5er bardo e7na masryeen w msh han2dar nhrab mn da soeey eny tawelt bas ana sha5syan low 3ozt asla7 fel blad de hsla7 fiha l2nha 7ga t5osny w tmseny f ay mkan fel 3alam ana masryah :D
السلام عليكم ورحمة الله وبركاته
كنت معدى من هنا بالصدفة فلاقيت تدوينة جديدة
قولت ادخل يا واد شوف منه بتقول ايه
ودخلت
المهم بقى
هى الفكرة جميلة اوى وبحييكى عليها
فكرت أرد عليكى وأقولك
(يعنى أحنا عرفنا نعمر بلدنا عشان نسافر نعمر فى حته تانية) بس قولت لا
عشان الاية القرانية اللى انتى قولتيها
فعلا التعمير فى الارض كلها
ربنا لم يقل وعمروا بلدكم
بل امرنا بتعميير الارض كلها
والسؤال هنا
هل لك أن تذهب لتعمر أمريكا ؟؟؟؟
إذا فالاقربين او الاقربون اولى بالمعروف
فلنبدأ ببلدنا اذا
نبينا محمد صلى الله عليه وسلم عندما خرج من مكه
قال والله يا مكه انك لاحب بلاد الله الى قلبى
ولولا اهلك اخرجونى منك ما خرجت
والنبى لما بدا دعوته بدا فى مكه
ولما ملقاش نصرة راح المدينة وبأمر من الله وليس من نفسه
يبقى مصر
بجد هى مصر
بس كدا
وبجد تدوينة جميلة احييكى عليها
محمد خالد مندوب طرقهة ادبية هنا
بسم الله الرحمن الرحيم
اللهم صلي على محمد وعلى آل محمد كما صليت على إبراهيم وعلى آل إبراهيم
السلام عليكم ورحمة الله وبركاته
ـــــــــــــــــــــــــــــــــ
منة...........انتي في معظم التدوينة بتقولي
المكان اللي يقدر يوفر لك......
المكان اللي يديك الامان.......
المكان اللي فيه الظروف........
طيب وانتي دورك ايه لما كل حاجة تتوفر لك؟؟؟؟؟؟؟؟؟؟
السلام عليكم –مبروك يا منة التدوينة الجديدة –كنا منتظرين يسيطر عليكى موضوع زى ما بتقولى
وهو موضوع جميل جدااا ومحتاج للنقاش فعلا بس يمكن هخرج عنة شوية وهتكلم عن معنى يضم جواة معنى الوطن والبلد وكل كلامك زى ما خرجت لمعنى أعم فى موضوع المعلم واتكلمت على موضوع التربية ودلوقت عاوز اتكم عن معنى وهو معنى شمول الاسلام – معلش اسمحولى اتكلم فية لانه هيفتح افاق التفكير فى موضوع الوطن والبلد وهكذا
الأصل الاول فى الأصول العشرين لفهم الإسلام
بيقول ايه : الإسلام نظام شامل ... يتناول مظاهر الحياة جميعا .. فهو دولة ووطن أو حكومة وأمة ، وهو خلق وقوة أو رحمة وعدالة وهو ثقافة وقانون أو علم وقضاء ، وهو مادة و ثروة أو كسب وغنى ، وهو جهاد ودعوة أو جيش وفكرة ، كماهو عقيدة صادقة وعبادة صحيحه سواء يسواء.
وتقريبا هو كلام قريب من اللى قلتية يا منة بس انا شايف دا أشمل وأعم شوية
وخلينا نشوف اية حكاية (مصفوفة العشرين ؟) موضوع بجد محتاجين نفكر فية شوية
الأول مهم جدااا جدااا للى هيقرا تعليقى دة يفهم مفردات الكلمات اللى فى الجملة بتاعة الأصل الأول
يعنى من البداية كدة ايه معنى او مرادف كلمة نظام system
=مجموعة مكونات لمنظومة او نظام يؤدى وظيفة او وظائف محددة وكل مكون فى النظام يؤدى وظيفة محددة .
خلينا نضرب أمثلة عملية مثلا جهاز التلفزيون دا على بعضة كلة كدا نظام ----ومكون من مثلا لوحة الكترونية واسلاك ودوائر كهربية وكل حتة فية بتؤدى وظيفة محددة ---طيب لو جينا مثلا شلنا مكون من المكونات بتاعة التلفزيون او النظام دة بالتالى مش هيؤدى الوظيفة الرئيسية للجهاز وللسيستم ككل . ولو خدنا جزء لوحدة او مكون لوحدة حتى لو كان مسؤل عن حاجة معينة جوة التلفزيون مش هيؤدى برضة وظيفة التلفزيون.
وهكذا الاسلام نظام شامل يتناول مظاهر الحياة جميعا ومينفعش يتشال منة حاجة من مصفوفة العشرين دى .(أفتؤمنون ببعض الكتاب وتكفرون ببعض )
خلينا نضرب مثال تانى عشان نفهم كلمة نظام اكتر ----جسم الانسان عبارة عن نظام يؤدى وظيفة ومكون من مكونات كل منها يؤدى وظيفة محددة. مينفعش يبقى ناقص حتى ولو مكون واحد لانة مش هيؤدى الوظائف المنوطة بية كاملة يعنى لو تخلينا انسان من غير أيد او رجل اكيد هيبقى ناقص ومش هيقدر يقوم بكل الوظايف للجسم . ولو تخيلناة بدون راس ----ولو تخيلنا عضو او مكون واحد بس بدون الجسم يعنى لو تخيلنا العين مينفعش تقوم بوظيفة الرؤية والابصار بدون باقى الجسم .
اظن معنى كلمة نظام وصلت لكل اللى هيقرأ تعليقى .
الاسلام نظام شامل ----نظام شامل --- نظام شامل ---مينفعش ناخد منة حتة ونسيب حتة
نرجع لموضوع منة بلدى –ووطنى دا جزء صغير من مكونات نظام الاسلام.
دولة ووطن أو حكومة وأمة--------- ياترى فية فرق بين الاربع كلمات دول ---اااااه طبعا فية فرق كبير= عقيدة صادقة وعبادة صحيحه
وهو خلق وقوة أو رحمة وعدالة---- ياترى فية فرق بين الاربع كلمات دول ---اااااه طبعا فية فرق كبير= عقيدة صادقة وعبادة صحيحه
وهو ثقافة وقانون أو علم وقضاء---- ياترى فية فرق بين الاربع كلمات دول ---اااااه طبعا فية فرق كبير= عقيدة صادقة وعبادة صحيحه
، وهو مادة و ثروة أو كسب وغنى---- ياترى فية فرق بين الاربع كلمات دول ---اااااه طبعا فية فرق كبير= عقيدة صادقة وعبادة صحيحه
وهو جهاد ودعوة أو جيش وفكرة----- ياترى فية فرق بين الاربع كلمات دول ---اااااه طبعا فية فرق كبير= عقيدة صادقة وعبادة صحيحه
هى دى يا جماعة المصفوفة العشرين اللى اخد رياضة فى ثانوية عامة عارف طبعا المصفوفة . عبارة صفوف واعمدة
خمس صفوف كل صف فية اربع كلمات = عقيدة صادقة وعبادة صحيحة سواء بسواء
روحوا شوفوا تعريف كل كلمة من الاربعة عند اهل اللغة او اهل السياسة فى بعض الكلمات اللى ليها علاقة بكدة واسألوا لية فية نوعين من حروف العطف فى كل اربع كلمات ( و—أو )
State
الدولة تجمع بشري يقيم على وجه الدوام بنية الاستقرار فوق إقليم معين وتقوم بينهم سلطة سياسية تتولى تنظيم العلاقات داخل هذا المجتمع .كما تتولى تمثيله في مواجهة الآخرين
Home –country
الوطن :هو الارض والحدود الجغرافية متضمنة الموارد مثل البترول والمعادن والبحار والانهار وكل شئ .
Government
الحكومة :هى جهاز السلطة السياسية التشريعية والتنفيذية التى تتولى تنظيم العلاقات داخل الدولة وفى نطاق حدود الوطن .
Nation
الأمة : هى الموارد البشرية على ارض كل وطن باختلاف طوائفها وديناتها وانواعها (مسلمين ومسيحيين و---غيرهم )
ودا المعنى اللى لازم يعيش بية كل واحد ---شوفوا سيدنا عمر لما فتح بيت المقدس كان فاهم كويس يعنى ايه (أمة )
باختصار لو اى حد عمل بحث على النت على جوجل او اى موقع بحث هيطلع الاصول العشرين لفهم الاسلام وشرحها
وطبعا هيطلع الاصل الاول وشرحة
لكن خلينا نقول حاجة مهمه جدااا الواحد يرتبط بالاسلام كوطن ودولة وامة وحكومة وهيحل الاشكالية فى انة يسافر او يقعد او الخلاف بين البلد ومسقط الراس والاهل والوطن وكل دة –طبعا مفيش مساحة هنا اشرح ازاى لكن محتاجين نقرأ الموضوع دة بجد
لو انا حاسس بالغربة فى بلدى ، وماحدش مقدرنى ولا فاهمنى، يبقى السفر هو الحل ، علشان أعرف أشتغل كويس وأعمل حاجة ممكن أفيد بيها بلدى بعد كدة
احييكى يا منة على التدوينة و احييى كل الناس اصحاب التعليقات اللى سبقتنى و معاكم فعلا ان التعمير مش مقتصر على بلدى بس ده شامل لكل الارض ، بس دلوقتى سيبيك من ان مصر بلدى والارض اللى اتولدت فيها و الحوارات ديه كلها اعتبريها حتة ارض و خلاص من صغرنا بناخد تتميز مصر بوقع استراتيجى بين القارات و..... الخ طب ما اروح امريكا و فرنسا و اليابان و ماليزيا و كل بلاد الدنيا اخد من كل بلد الخبرة اللى انا محتاجها و انمى من نفسى و اجى بقى لحتة الارض ديه و اعمرها و استفيد و افيد لكن لو سبتها و روحت اعمر فى ارض تانية حتفضل الارض ديه تتاخر و تتخلف و ساعتها مش هتقدرى تقولى حتى انا مصرية فاموضوع مش موضوع فقط بلدى و وطنى و البلد اللى بحمل جنسيتها و الكلام ده ديه برضه حاجة فى مصلحتى انى اعمرها للدرجة اللى اقدر اقول فيها بعلو صوتى مصررررررررررية
تفتكرى يا منة لو ان واحد من فلسطين او من غزة قال البلد محتلة ومش مساعدانى انى انجح فى حياتى وعايش فى غربة ومحتاج اهاجر او اسافر وانمى نفسى واطورها
ياترى يبقى معاة حق ولا لا؟
متصفح:
رأيك حضرتك الاول انا مش فاهماه اوى بصراحة
اما بالنسبة للفلسطيني
لو الفرصة أتاحت له انه يسافر ويسيب بلده انا شايفة ان مفيهاش حاجة بدل ما في ناس تانية بدافع عن ارضةه غيره
وانا أعرف ان الجهاد فرض كفاية
وخصوصا كمان انه لو سافر وهيعمل حاجة في بلد تانية وهيفيد البشرية برده
أهم حاجة ان الانسان يعمل حاجة مفيدة في حياته
أهم حاجة انى أعمر الأرض
بس كدة
اكيد لما يبقى الفلسطيني ده في الغرب
ممكن هو كدة هيفيد الاسلام بأنه نموذج حسن للمسلم اللى بيفيد من حوله ومش ارهابي فهو كدة بردوه هيفيد الاسلام
وسام:
انا مع كلامك صح
نهلة
انا شايفة ان من حقوق الانسان الأساسية انه يلاقي مكان نظيف يعيش فيه ، يلاقي رصيف يمشي عليه في الشارع، يلاقي جو نظيف يتنفسه، يلاقي مواصله ادمية يركبها، لما يتعب يلاقي مكان محترم يتعالج فيه والحاجات دي مش في الجنة
الحاجات دي في البلاد المحترمة
يعني عشان الانسان يعرف يشتغل وميحملش الهم ويقدر يركز لازم يتوفر له الجو
وانا برده لا اقصد
ان لو الحاجت دي مش متوفرلنا اننل منشتغلش ونخدها اسباب لكسلنا
بس بقول لو اتاحت لينا الرفصة اننا نعيش في مكان كدة نروح ومفيهاش حاجة
خالص
لان المهم نعمر الارض ايا كان المكان
اية عاصم
انا متفقة معاكي
بس انا مقتنعة ان الدنيا مش الجنة
بس انا مطلبتش الراحة انا بقول توافر الظروف من اجل العمل كويس
بس كدة
وانا مقتنعة اننا لازم نبذل كل جهدنا واننا لازم نشتغل كويس
انا معاكي في رأيك
وعجبتني اوى
to complete the puzzel
http://dr-saif.blogspot.com/2009/05/blog-post.htmlاحلي يوم في حياتي جديد سيف مش معاهم
السلام عليكم
كلام جميل جدا
وانا مقتنع ان علينا دور ان احنا نصلح على قد ما نقدر في المكان اللي احنا فيه، سواء في مصر أو برا مصر..
سواء في البيت أو الشغل أو النادي ..
لكن في نفس الوقت طبيعي ان بيكون في حنين للمكان اللي الواحد اتولد واتربى فيه، له ذكريات كتير في كل شبر فيه ومع كل الناس حواليه
وبفتكر هنا قول الرسول صلى الله عليه وسلم وهوا خارج من مكة «والله إنك لأحب بلاد الله إليّ، ولولا أن أهلك أخرجوني منك ما خرجتُ».
Post a Comment